Liber Deuteronomii*
Caput 4: Versus 1
Et nunc, Israel, audi praecepta et judicia. Non addetis.Docet normam aequitatis, et omnem haeresim percutit. Vetat enim rectae doctrinae aliquid pravae intentionis addere, vel aliquid veritatis subtrahere: via enim regia incedendum est, non ad dexteram vel ad sinistram; unde:Quia rectae viae Domini, et justi ambulabunt in eis[Ose. 14.]. Similiter ait Joannes:Si quis apposuerit ad haec, apponet Deus super illum plagas scriptas in libro isto; si quis diminuerit, auferet Deus partem ejus de libro vitae[Apoc. 22.].